Ispaniyalik mutaxassis Sesk Fabregas «Komo» jamoasi A Seriya autsayderi darvozasiga beshta gol urib, navbatdagi katta g‘alabani qo‘lga kiritganidan so‘ng klubdagi muhit haqida gapirib berdi.
«Hammasi juda yaxshi, hozir odamlar juda mamnun, garchi inson zotiga doimo ko‘prog‘ini xohlash xos bo‘lsa-da. Lekin bundan atigi olti-etti yil avval «Komo» quyi ligalardagi oddiy provinsiya jamoasi edi, hozir esa Italiyaning eng yaxshilari qatoriga kiradi. Bunday ajoyib jamoaga oshiq bo‘lmaslikning iloji yo‘q», — deya mutaxassisning so‘zlarini keltiradi pianetamilan.it.
Eslatib o‘tamiz, Fabregas boshqaruvidagi klub ayni damda Italiya chempionati turnir jadvalida to‘rtinchi o‘rinni egallab turibdi.
