Испаниялик мутахассис Сеск Фабрегас «Комо» жамоаси А Серия аутсайдери дарвозасига бешта гол уриб, навбатдаги катта ғалабани қўлга киритганидан сўнг клубдаги муҳит ҳақида гапириб берди.
«Ҳаммаси жуда яхши, ҳозир одамлар жуда мамнун, гарчи инсон зотига доимо кўпроғини хоҳлаш хос бўлса-да. Лекин бундан атиги олти-етти йил аввал «Комо» қуйи лигалардаги оддий провинция жамоаси эди, ҳозир эса Италиянинг энг яхшилари қаторига киради. Бундай ажойиб жамоага ошиқ бўлмасликнинг иложи йўқ», — дея мутахассиснинг сўзларини келтиради pianetamilan.it.
Эслатиб ўтамиз, Фабрегас бошқарувидаги клуб айни дамда Италия чемпионати турнир жадвалида тўртинчи ўринни эгаллаб турибди.
