«Nyukasl»ning braziliyalik yarim himoyachisi Bruno Gimaraes «Manchester Yunayted» tomonidan qiziqishlar bo‘layotganiga qaramay, hozirgi klubini tark etmoqchi emas. Bu haqda Newcastle Chronicle nashri xabar bermoqda.
Manba bergan ma’lumotlarga ko‘ra, yarim himoyachini «qarg‘alar» lageridagi barcha narsa qoniqtirmoqda. Gimaraes va «Nyukasl» o‘rtasidagi amaldagi shartnoma muddati 2028 yilning yozida nihoyasiga etadi. Braziliyalik futbolchining transfer qiymati 75 million yevroni tashkil qiladi.
Angliya chempionatining joriy mavsumida 28 yoshli yarim himoyachi 23 ta uchrashuvda maydonga tushdi. Braziliyalik futbolchi o‘z hisobiga to‘qqizta gol va to‘rtta golli uzatmani yozdirib qo‘yishga muvaffaq bo‘ldi.
