«Ньюкасл»нинг бразилиялик ярим ҳимоячиси Бруно Гимараэс «Манчестер Юнайтед» томонидан қизиқишлар бўлаётганига қарамай, ҳозирги клубини тарк этмоқчи эмас. Бу ҳақда Newcastle Chronicle нашри хабар бермоқда.
Манба берган маълумотларга кўра, ярим ҳимоячини «қарғалар» лагеридаги барча нарса қониқтирмоқда. Гимараэс ва «Ньюкасл» ўртасидаги амалдаги шартнома муддати 2028 йилнинг ёзида ниҳоясига этади. Бразилиялик футболчининг трансфер қиймати 75 миллион еврони ташкил қилади.
Англия чемпионатининг жорий мавсумида 28 ёшли ярим ҳимоячи 23 та учрашувда майдонга тушди. Бразилиялик футболчи ўз ҳисобига тўққизта гол ва тўртта голли узатмани ёздириб қўйишга муваффақ бўлди.
