Taniqli britan jurnalisti Pirs Morgan Londonning «Arsenal» klubi yaqin kunlarda bo‘lib o‘tgan Angliya liga kubogi finalida «Manchester Siti»dan 0:2 hisobida mag‘lubiyatga uchraganiga izoh berdi.

"Kvintupl" (bir mavsumda 5 ta sovrin yutish) haqidagi orzularim, afsuski, chippaga chiqdi. Endi biz faqat „kvadrupl“ qayd etishimiz mumkin — Chempionlar ligasi, Premyer-liga va Angliya kubogida g‘alaba qozonish, shuningdek, «Tottenxem»ning APLdan tushib ketishi", — deya Morganning so‘zlaridan iqtibos keltiradi talkSPORT.

Ayni damda Mikel Arteta shogirdlari Angliya chempionati turnir jadvalida «shaharliklar»ni 9 ochkoga ortda qoldirgan holda birinchi o‘rinni egallab turibdi.

Chempionlar ligasida esa «kanonirlar»ni chorak final doirasida Lissabonning «Sporting» jamoasiga qarshi ikki o‘yindan iborat to‘qnashuv kutmoqda. Shuningdek, «Arsenal» Angliya kubogi uchun kurashni ham davom ettirmoqda — londonliklar 4 aprel kuni 1/4 finalda «Sautgempton»ga qarshi maydonga tushishadi.