«Sevilya» klubi o‘zining rasmiy saytida Matias Almeyda bosh murabbiylik lavozimidan bo‘shatilgani haqida ma’lumot joylashtirdi. Andalusiya klubi 52 yoshli argentinalik mutaxassisga qilgan mehnatlari uchun minnatdorchilik bildirdi va kelgusi faoliyatida muvaffaqiyatlar tiladi.

Almeyda qo‘l ostida «Sevilya» jami 32 ta o‘yin o‘tkazdi. Ularda jamoa 10 ta g‘alaba, 7 ta durang va 15 ta mag‘lubiyat qayd etdi.

Hozirda «Sevilya» Ispaniya La Ligasi turnir jadvalida 15-o‘rinni egallab turibdi. Andalusiyaliklar xavfli hududdan bor-yo‘g‘i uch ochko oldinda, xolos.

«Sevilya» navbatdagi uchrashuvini 5 aprel kuni Ispaniya chempionati doirasida «Real Ovyedo»ga qarshi o‘tkazadi.