«Севилья» клуби ўзининг расмий сайтида Матиас Альмейда бош мураббийлик лавозимидан бўшатилгани ҳақида маълумот жойлаштирди. Андалусия клуби 52 ёшли аргентиналик мутахассисга қилган меҳнатлари учун миннатдорчилик билдирди ва келгуси фаолиятида муваффақиятлар тилади.
Альмейда қўл остида «Севилья» жами 32 та ўйин ўтказди. Уларда жамоа 10 та ғалаба, 7 та дуранг ва 15 та мағлубият қайд этди.
Ҳозирда «Севилья» Испания Ла Лигаси турнир жадвалида 15-ўринни эгаллаб турибди. Андалусияликлар хавфли ҳудуддан бор-йўғи уч очко олдинда, холос.
«Севилья» навбатдаги учрашувини 5 апрель куни Испания чемпионати доирасида «Реал Овьедо»га қарши ўтказади.
