Kataloniyaning «Barselona» klubi chap qanot himoyasi pozisiyasini kuchaytirish variantlarini ko‘rib chiqmoqda.

Bunga asosiy sabab — jamoa himoyachisi Alexandro Baldening tez-tez jarohat olayotganidir. Asosiy tarkib o‘yinchisi bo‘lishiga qaramasdan, u joriy mavsumda mushak jarohatlari sabab 10 ta o‘yinni o‘tkazib yuborgan.

Manbaga ko‘ra, «Barselona» uchun ustuvor nomzod — «Bayer» himoyachisi Alexandro Grimaldo hisoblanadi. 31 yoshli futbolchining amaldagi shartnomasi 2027 yilgacha mo‘ljallangan bo‘lib, uning transfer qiymati taxminan 15 million yevro atrofida baholanmoqda. U jamoa uchun qisqa muddatli yechim sifatida qaralmoqda.

Shuningdek, «ko‘k-anorranglilar» «Yuventus» himoyachisi Andrea Kambyazoga ham qiziqish bildirmoqda. Jamoa bosh murabbiyi Xansi Flik uning universalligi — har ikki qanotda o‘ynay olishi va hujum hamda himoyada foydali bo‘lishiga yuqori baho bermoqda. Biroq uning transferi katta moliyaviy xarajatlarni talab qilishi mumkin.

Ehtimoliy o‘zgarishlar fonida Joau Kanseluning kelajagi ham noaniqligicha qolmoqda. Uning himoyadagi o‘yini tanqidlarga sabab bo‘layotgan bo‘lsa-da, ma’lum shartlar asosida jamoada qolishi mumkin.

Bundan tashqari, «Barselona» Alexandro Baldeni foydali taklif tushgan taqdirda sotish variantini ham istisno etmayapti. Unga da’vogarlardan biri sifatida «Manchester Yunayted» klubi qayd etilmoqda, biroq transfer summasi futbolchining maqomiga mos bo‘lishi lozim.