Italiya terma jamoasining sobiq futbolchisi, so‘nggi yillarda esa unchalik muvaffaqiyat qozona olmayotgan murabbiy Roberto Donadoni navbatdagi klubi bilan xayrlashdi. Gap o‘tgan yildan beri mutaxassis boshqarib kelayotgan «Spesiya» klubi haqida ketmoqda.
Shu bilan birga, Donadonining iste’fosi mantiqsiz deb atalmoqda — mutaxassisning klub bilan xayrlashishidan hech narsa dalolat bermagan, har holda bu borada mish-mishlar tarqalmagan edi. To‘g‘ri, buning javobi turnir jadvalida yashiringan bo‘lishi mumkin: «Spesiya» Italiya futbolining kuchi jihatidan ikkinchi divizioni — B Seriyada 19-o‘rinni egallab turibdi. Ta’kidlanishicha, xayrlashuv «o‘zaro kelishuv»ga asosan amalga oshirilgan.
Endi klub rahbariyati yangi ustoz izlashga kirishadi.
