Италия терма жамоасининг собиқ футболчиси, сўнгги йилларда эса унчалик муваффақият қозона олмаётган мураббий Роберто Донадони навбатдаги клуби билан хайрлашди. Гап ўтган йилдан бери мутахассис бошқариб келаётган «Специя» клуби ҳақида кетмоқда.

Шу билан бирга, Донадонининг истеъфоси мантиқсиз деб аталмоқда — мутахассиснинг клуб билан хайрлашишидан ҳеч нарса далолат бермаган, ҳар ҳолда бу борада миш-мишлар тарқалмаган эди. Тўғри, бунинг жавоби турнир жадвалида яширинган бўлиши мумкин: «Специя» Италия футболининг кучи жиҳатидан иккинчи дивизиони — Б Серияда 19-ўринни эгаллаб турибди. Таъкидланишича, хайрлашув «ўзаро келишув»га асосан амалга оширилган.

Энди клуб раҳбарияти янги устоз излашга киришади.