UEFA Chempionlar ligasining navbatdagi mavsumi uchun qaydnoma hajmini o‘zgartirishga rozi bo‘lmadi.

The Independent nashrining xabar berishicha, ingliz klublari qaydnomaga 28 nafargacha futbolchi kiritishga ruxsat berishni so‘rashgan, biroq Yevropa futbol assosiasiyalari ittifoqi ushbu so‘rovni rad etgan. Bu masalaga 2027/28 yilgi mavsum oldidan qayta ko‘rilishi mumkin, ammo hozircha cheklov avvalgidek — 25 kishi bo‘lib qoladi.

Ta’kidlanishicha, amaldagi reglamentni saqlab qolish tarafdori sifatida Ispaniya klublari vakillari, xususan, «Atletiko», «Sevilya» va «Real Sosyedad» chiqishgan. La Liga klublarining fikricha, ingliz jamoalari o‘zlarining moliyaviy ustunligidan foydalanib, tarkibni kengaytirish orqali sezilarli darajada imtiyozga ega bo‘lib olishlari mumkin.