УЕФА Чемпионлар лигасининг навбатдаги мавсуми учун қайднома ҳажмини ўзгартиришга рози бўлмади.

The Independent нашрининг хабар беришича, инглиз клублари қайдномага 28 нафаргача футболчи киритишга рухсат беришни сўрашган, бироқ Европа футбол ассоциациялари иттифоқи ушбу сўровни рад этган. Бу масалага 2027/28 йилги мавсум олдидан қайта кўрилиши мумкин, аммо ҳозирча чеклов аввалгидек — 25 киши бўлиб қолади.

Таъкидланишича, амалдаги регламентни сақлаб қолиш тарафдори сифатида Испания клублари вакиллари, хусусан, «Атлетико», «Севилья» ва «Реал Сосьедад» чиқишган. Ла Лига клубларининг фикрича, инглиз жамоалари ўзларининг молиявий устунлигидан фойдаланиб, таркибни кенгайтириш орқали сезиларли даражада имтиёзга эга бўлиб олишлари мумкин.