«Bornmut» hujumchisi Rayan faoliyatini boshqa klubda davom ettirishi mumkin. 19 yoshli braziliyalik futbolchining xizmatlariga «Manchester Yunayted» qiziqish bildirmoqda. Bu haqda jurnalist Ekrem Konur o‘z ijtimoiy tarmoqlarida xabar berdi.

Qayd etilishicha, Rayan «MYU» uchun hujum chizig‘idagi eng asosiy (ustuvor) nomzod bo‘lib turibdi. Kelishuv summasi 100 million yevroni tashkil qilishi mumkin. Aynan shuncha miqdordagi tovon puli braziliyalik futbolchining amaldagi shartnomasida belgilab qo‘yilgan.

Joriy mavsumda Rayan APL doirasida 8 ta o‘yinda maydonga tushib, 2 ta gol urdi va 1 ta golli uzatmani amalga oshirdi. U «Bornmut» safiga o‘tgan qishda kelib qo‘shilgan edi.