«Борнмут» ҳужумчиси Райан фаолиятини бошқа клубда давом эттириши мумкин. 19 ёшли бразилиялик футболчининг хизматларига «Манчестер Юнайтед» қизиқиш билдирмоқда. Бу ҳақда журналист Экрем Конур ўз ижтимоий тармоқларида хабар берди.
Қайд этилишича, Райан «МЮ» учун ҳужум чизиғидаги энг асосий (устувор) номзод бўлиб турибди. Келишув суммаси 100 миллион еврони ташкил қилиши мумкин. Айнан шунча миқдордаги товон пули бразилиялик футболчининг амалдаги шартномасида белгилаб қўйилган.
Жорий мавсумда Райан АПЛ доирасида 8 та ўйинда майдонга тушиб, 2 та гол урди ва 1 та голли узатмани амалга оширди. У «Борнмут» сафига ўтган қишда келиб қўшилган эди.
