«Barselona» futbolchilari Jyul Kunde, Alexandro Balde va Frenki de Yongning jarohatdan tiklanish muddatlari bo‘yicha yangi ma’lumotlar paydo bo‘ldi.
Mundo Deportivo nashrining xabar berishicha, himoyachilar Jyul Kunde va Alexandro Balde xalqaro tanaffusdan keyingi ilk o‘yindayoq — 4 aprel kuni Madridning «Atletiko» jamoasiga qarshi bahsda «Barselona» qaydnomasiga qaytadilar. Biroq de Yongning tiklanishi ko‘proq vaqt talab etadi. Yarim himoyachining maydonga qaytishi 11 aprel kuni bo‘lib o‘tadigan «Espanyol»ga qarshi uchrashuvga kutilmoqda.
«Barselona» 29 turdan keyin 73 ochko jamg‘argan holda Ispaniya chempionati turnir jadvalida peshqadamlik qilmoqda.
«Barselona»ning navbatdagi o‘yini 4 aprel kuni bo‘lib o‘tadi. 30-turda kataloniyaliklarga «Atletiko» raqiblik qiladi. Uchrashuv Toshkent vaqti bilan soat 00:00 da (5 aprelga o‘tar kechasi) boshlanadi.
