«Барселона» футболчилари Жюль Кунде, Алехандро Бальде ва Френки де Йонгнинг жароҳатдан тикланиш муддатлари бўйича янги маълумотлар пайдо бўлди.
Mundo Deportivo нашрининг хабар беришича, ҳимоячилар Жюль Кунде ва Алехандро Бальде халқаро танаффусдан кейинги илк ўйиндаёқ — 4 апрель куни Мадриднинг «Атлетико» жамоасига қарши баҳсда «Барселона» қайдномасига қайтадилар. Бироқ де Йонгнинг тикланиши кўпроқ вақт талаб этади. Ярим ҳимоячининг майдонга қайтиши 11 апрель куни бўлиб ўтадиган «Эспаньол»га қарши учрашувга кутилмоқда.
«Барселона» 29 турдан кейин 73 очко жамғарган ҳолда Испания чемпионати турнир жадвалида пешқадамлик қилмоқда.
«Барселона»нинг навбатдаги ўйини 4 апрель куни бўлиб ўтади. 30-турда каталонияликларга «Атлетико» рақиблик қилади. Учрашув Тошкент вақти билан соат 00:00 да (5 апрелга ўтар кечаси) бошланади.
