«Milan» klubi himoyachisi Straxinya Pavlovich faoliyatini Angliyada davom ettirishi mumkin.
Topskills Sports UK nashrining ma’lumotlariga ko‘ra, serbiyalik futbolchini o‘z safiga qo‘shib olishga «Chelsi» qiziqish bildirmoqda. London klubi yozda ushbu transfer bo‘yicha rasmiy taklif berishga tayyor. Pavlovichning o‘tishiga «ko‘klar» bosh murabbiyi Liam Rosenyor shaxsan qiziqmoqda. Ingliz mutaxassisi serbiyalik futbolchini o‘z jamoasi uchun ideal himoyachi deb hisoblaydi.
Straxinya Pavlovich 2024 yilda «RB Zalsburg»dan «Milan»ga 18 million yevro evaziga o‘tgan edi. Uning «rossonerilar» bilan shartnomasi 2028 yilning 30 iyuniga qadar mo‘ljallangan. Joriy mavsumda himoyachi Italiya klubi safida barcha musobaqalarda 30 ta o‘yinda maydonga tushib, to‘rtta gol urdi va bitta golli uzatmani amalga oshirdi.
