«Bavariya» yarim himoyachisi Yozua Kimmix Germaniya terma jamoasi safida «Real» himoyachisi Antonio Ryudigerning tutgan o‘rni haqida fikr bildirdi.
«Toni — juda muhim futbolchi. Menda shunday tuyg‘u borki, biz Germaniyada uning so‘nggi uch-to‘rt yil ichida nimalarga erishganini ba’zida unutib qo‘yamiz. U «Real»ning asosiy tarkib o‘yinchisi va har yili Chempionlar Ligasining hal qiluvchi bosqichlarida o‘ynaydi. Unga doimo ishonish mumkin. Ryudiger eng yuqori saviyada to‘p sura olishini isbotlab bo‘lgan. Jamoada Ryudiger kabi futbolchilar bo‘lishi juda muhim», — dedi Kimmix matbuot anjumanida.
Antonio Ryudiger 2014 yildan beri Germaniya terma jamoasi sharafini himoya qilib kelmoqda. U «bundestim» safida 81 ta o‘yin o‘tkazib, uchta gol urgan. Himoyachi milliy jamoa tarkibida Rossiyada bo‘lib o‘tgan 2017 yilgi Konfederasiyalar kubogi g‘olibiga aylangan.
