«Arsenal»ning hujumkor yarim himoyachisi Eberechi Eze boldir mushagidan jarohat oldi va «Manchester Siti»ga qarshi Liga Kubogi finalini o‘tkazib yubordi. Kuni kecha Eze Angliya terma jamoasi qaydnomasidan chiqarilgani e’lon qilindi – uning o‘rniga «Nyukasl» a’zosi Xarvi Barns chaqirildi.
BBC nashrining xabariga ko‘ra, dastlabki ma’lumotlarga ko‘ra, Ezening tiklanishi uchun 4 haftadan 6 haftagacha vaqt talab etilishi mumkin. Bu esa futbolchi mavsumning muhim pallasini, xususan, Chempionlar Ligasi chorak finali doirasidagi «Sporting»ga qarshi ikkala o‘yinni ham o‘tkazib yuborishi mumkinligini anglatadi.
Eberechi Eze o‘tgan yozda «Arsenal» tarkibiga kelib qo‘shilgan edi. O‘shandan beri futbolchi 41 ta o‘yinda maydonga tushib, 9 ta gol urdi va sheriklariga 6 ta golli uzatmani amalga oshirdi.
