Bilbaoning «Atletik» klubi vingeri Niko Uilyams «Inter»ning qiziqishlar doirasiga tushdi.
Fichajes nashrining xabariga ko‘ra, Milan klubi shu yozda tarkibni keng ko‘lamli qayta qurish doirasida 23 yoshli futbolchining transferini ko‘rib chiqmoqda. «Inter» rahbariyati Uilyams jamoa bosh murabbiyi Kristian Kivu tomonidan o‘tgan yili ishlab chiqilgan «3-4-2-1» sxemasiga ideal tarzda mos tushadi deb hisoblamoqda. Eslatib o‘tamiz, ushbu sxema klub Ademola Lukmanni o‘z safiga qo‘shib olishga muvaffaqiyatsiz uringan vaqtda tayyorlangan edi.
Qayd etilishicha, Uilyamsni sotib olish uchun «Inter» avval o‘z futbolchilarini sotishi va tushgan mablag‘ni qayta investisiya qilishi kerak bo‘ladi. Faqat o‘yinchilar sotilganidan keyingina Milan klubi rahbariyati Nikoning agentlari va «Atletik» bilan muzokaralarga kirishishga tayyor bo‘ladi.
