«Chelsi» yarim himoyachisi Enso Fernandes o‘z kuchini Madridning «Real» klubida sinab ko‘rmoqchi.
Taxminlarga ko‘ra, argentinalik futbolchi kelayotgan yozdayoq klubini o‘zgartirishi mumkin va «qaymoqranglilar» uni sotib olishga asosiy da’vogarlardan biri hisoblanmoqda. TalkSPORT nashrining ma’lumotlariga ko‘ra, Fernandes «Real»ga o‘tish imkoniyatini ko‘rib chiqishga tayyor — u uchun bu «orzudagi transfer» hisoblanadi.
25 yoshli futbolchi yanvar oyida Enso Mareska iste’foga chiqarilganidan so‘ng, «Chelsi» loyihasidan hafsalasi pir bo‘lgan deb taxmin qilinmoqda. Yaqinda o‘yinchi «ko‘klar» rahbariyati bilan kelishmovchiligini ochiqchasiga bildirgan edi. Transfermarkt saytida Fernandesning narxi 90 million yevro etib belgilangan.
