«Челси» ярим ҳимоячиси Энцо Фернандес ўз кучини Мадриднинг «Реал» клубида синаб кўрмоқчи.

Тахминларга кўра, аргентиналик футболчи келаётган ёздаёқ клубини ўзгартириши мумкин ва «қаймоқранглилар» уни сотиб олишга асосий даъвогарлардан бири ҳисобланмоқда. TalkSPORT нашрининг маълумотларига кўра, Фернандес «Реал»га ўтиш имкониятини кўриб чиқишга тайёр — у учун бу «орзудаги трансфер» ҳисобланади.

25 ёшли футболчи январь ойида Энцо Мареска истеъфога чиқарилганидан сўнг, «Челси» лойиҳасидан ҳафсаласи пир бўлган деб тахмин қилинмоқда. Яқинда ўйинчи «кўклар» раҳбарияти билан келишмовчилигини очиқчасига билдирган эди. Transfermarkt сайтида Фернандеснинг нархи 90 миллион евро этиб белгиланган.