2025/2026 yilgi mavsum yakunlanganidan so‘ng Muhammad Saloh «Liverpul»ni tark etadi. Mersisaydliklar seshanba kuni misrlik futbolchi bilan tez orada xayrlashishlarini rasman e’lon qilishdi. Saloh va «Liverpul»ning yo‘llari shu yozda ayriladi. Yulduz hujumchi «qizillar» safidagi to‘qqizinchi mavsumini yakunlamoqda.

Avvalroq Saloh «Liverpul»dan erkin agent sifatida ketishi haqida ma’lumotlar paydo bo‘lgan edi. talkSPORT nashrining xabar berishicha, misrlik futbolchi muzokaralar jarayonida, aslida, shartnomasining oxirgi yili uchun beriladigan pullardan voz kechgan. Uning mehnat shartnomasi 2027 yilning o‘rtalarigacha mo‘ljallangan edi. Agar Muhammad yana bir yil jamoada qolganida, 20 million funt (taxminan 23 million yevro) ishlab topgan bo‘lardi.

Shu yozda Saloh 34 yoshga to‘ladi.