«Chelsi» yarim himoyachisi Enso Fernandes yozgi transfer oynasida klubni tark etishi mumkin.

So‘nggi vaqtlarda OAVda argentinalik futbolchining «ko‘klar» safini tark etish istagi haqidagi xabarlar tobora faollashib bormoqda. Jurnalist Ekrem Konurning ma’lumotlariga ko‘ra, 25 yoshli futbolchini sotib olishga «Al-Ittihod» qiziqish bildirmoqda. Saudiya klubi vaziyatni kuzatib borayotgan Madridning «Real» va «PSJ» jamoalari bilan xavbek uchun kurashishga tayyor. O‘yinchining o‘zi o‘z kuchini Ispaniyada sinab ko‘rmoqchi, biroq hozircha kelajagi borasida bir qarorga kelgani yo‘q.

Transfermarkt saytida Enso Fernandesning taxminiy bahosi 90 million yevroni tashkil etadi. Jahon chempionining «Chelsi» bilan amaldagi shartnomasi 2032 yilgacha mo‘ljallangan.