Angliya Premyer-ligasi matbuot xizmati misrlik hujumchi Muhammad Salohning joriy mavsum yakunida «Liverpul»ni tark etishi haqidagi xabarga munosabat bildirdi.
«Muhammad Saloh. Hozir va abadiy «Liverpul» afsonasi», — deyiladi APL tomonidan e’lon qilingan bayonotda.
Eslatib o‘tamiz, Saloh mersisaydliklar tarkibida Angliya chempioni bo‘lgan. Bundan tashqari, misrlik futbolchi bir necha bor APL «Oltin butsa»sini qo‘lga kiritgan.
Angliya chempionatining joriy mavsumida 33 yoshli hujumchi 22 ta uchrashuvda maydonga tushib, o‘z hisobiga 5 ta gol va 6 ta golli uzatmani yozdirib qo‘ydi. Futbolchining bozor qiymati 30 million yevroga baholanmoqda.
