«Monako»ning ikki nafar futbolchisi Angliyaning «Manchester Yunayted» klubi qiziqishlari doirasida bo‘lib turibdi. Bu haqda Teamtalk jurnalistlari xabar bermoqda.

Manbaning ma’lumotlariga ko‘ra, kelayotgan yozda yarim himoyachi Lamin Kamara va vinger Magnes Akliush «Old Trafford»ga ko‘chib o‘tishlari mumkin. «Qizil iblislar» vakillari Fransiya chempionati doirasida yaqinda bo‘lib o‘tgan «Lion» va «Monako» (1:2) o‘rtasidagi uchrashuvda ushbu futbolchilarni bevosita kuzatishgan.

Joriy mavsumda Akliush 36 ta o‘yinda ishtirok etib, o‘z hisobiga 7 ta gol va 8 ta golli uzatmani yozdirib qo‘ydi. Kamara esa 25 ta uchrashuvda maydonga tushib, 4 ta natijali pasni amalga oshirdi.