«Монако»нинг икки нафар футболчиси Англиянинг «Манчестер Юнайтед» клуби қизиқишлари доирасида бўлиб турибди. Бу ҳақда Teamtalk журналистлари хабар бермоқда.

Манбанинг маълумотларига кўра, келаётган ёзда ярим ҳимоячи Ламин Камара ва вингер Магнес Аклиуш «Олд Траффорд»га кўчиб ўтишлари мумкин. «Қизил иблислар» вакиллари Франция чемпионати доирасида яқинда бўлиб ўтган «Лион» ва «Монако» (1:2) ўртасидаги учрашувда ушбу футболчиларни бевосита кузатишган.

Жорий мавсумда Аклиуш 36 та ўйинда иштирок этиб, ўз ҳисобига 7 та гол ва 8 та голли узатмани ёздириб қўйди. Камара эса 25 та учрашувда майдонга тушиб, 4 та натижали пасни амалга оширди.