«Napoli» hujumchisi Rasmus Xyoylund «Manchester Yunayted»dan Italiya klubiga o‘tgani haqida fikr bildirdi.
«Qaysidir pallada hammasi tugagandek tuyulgandi. Bu yerda, «Napoli»da men futbolga bo‘lgan muhabbatimni qayta kashf etdim. Hatto Daniyada ham mendan umid uzishgandi, lekin men ishonishdan aslo to‘xtamadim», — dedi Xyoylund TV2 telekanaliga bergan intervyusida.
«Napoli» yozgi transfer oynasida Xyoylunnni «Manchester Yunayted»dan ijaraga olgan edi. Neapolliklar tarkibida 23 yoshli hujumchi barcha musobaqalarda jami 37 ta uchrashuvda maydonga tushib, 14 ta gol urdi va 4 ta golli uzatmani amalga oshirdi.
Xyoylundning «qizil iblislar» bilan shartnomasi 2029 yilning o‘rtalariga qadar mo‘ljallangan.
