Angliya terma jamoasining sobiq yulduzi Maykl Ouen milliy terma jamoa bosh murabbiyi Tomas Tuxel Londonning «Vest Xem» klubi yetakchisi Jarrod Bouenga ko‘proq ishonishi kerak deb hisoblaydi.

«Men unga milliy terma jamoada ko‘proq o‘yin vaqti bergan bo‘lardim. Bouenni ajoyib futbolchi deb hisoblayman. Taxminan bir yil oldin mahorat darslaridan birida u bilan birga bo‘lib qolgandik. Uning naqadar mahoratli ekaniga ko‘zlarimga ishonmagandim. U detallarga juda e’tiborli va har ikkala oyog‘ida ham birdek ajoyib o‘ynay oladi», — deya Ouenning so‘zlarini keltirmoqda derbyderbyderby.it.

Eslatib o‘tamiz, Angliya terma jamoasi amaldagi Yevropa vise-chempioni hisoblanadi.