Londonning «Arsenal» klubi sobiq futbolchisi Teo Uolkott 16 yoshli Maks Doumanni bo‘lajak Jahon chempionati uchun Angliya terma jamoasi qaydnomasiga kiritmaslik kerak deb hisoblaydi.
Uolkottning o‘zi 2006 yilgi mundialga Angliya milliy jamoasi bilan 17 yoshida yo‘l olgan edi.
«Umid qilamanki, Doumanni JCH-2026 ga chaqirishmaydi. Men bu bilan salbiy narsani nazarda tutayotganim yo‘q, biroq o‘tmishga qayta olganimda, o‘z taqdirimni o‘zgartirgan bo‘lardim. O‘zimga: «Yo‘q, yo‘q, bunday qilma», degan bo‘lardim. Lekin bunga 17 yoshli o‘smirni ko‘ndirib ko‘ring-chi! Shunga qaramay, bizning vaziyatlarimiz farq qiladi deb hisoblayman, chunki u Premyer-ligada o‘ynayapti, lekin u bosqichma-bosqich ulg‘ayishi kerak. U qachondir albatta terma jamoaga boradi, ammo munosib vaqt hali kelgani yo‘q. Angliyada boshqa ko‘plab ajoyib vingerlar bor», — deya ingliz OAVlari Uolkottning so‘zlarini keltirmoqda.
Yaqinda Maks Douman Premyer-liga tarixidagi eng yosh gol muallifiga aylandi.
