Saudiya Arabistonida Vinisius Junior transferi ustida ishlash hamon davom etmoqda.
Jurnalist Sasha Tavolyerining xabar berishicha, bir necha kun avval Saudiya ligasi vakillari «Real» vingerining agentlari bilan uchrashuv o‘tkazishgan. Taxminlarga ko‘ra, agar braziliyalik futbolchining madridliklar bilan shartnomasi uzaytirilmasa, u Saudiyaga o‘tishga tayyor bo‘lishi mumkin. Shu bilan birga, futbolchining o‘zi muzokaralarda bevosita ishtirok etmagan.
Qayd etilishicha, «Real» prezidenti Florentino Peres vingerning klubda qolishini va imkon qadar tezroq yangi shartnoma imzolashini istamoqda. Muzokaralar davom etmoqda, biroq yakuniy qaror Vinisiusning o‘ziga bog‘liq bo‘lib qolmoqda.
Joriy mavsumda La Liga doirasida Vinisius 28 ta o‘yinda maydonga tushib, 11 ta gol urdi va 5 ta golli uzatmani amalga oshirdi.
