Hujumchi Vinisius Junior Braziliya terma jamoasi ixtiyorida tashkil etilgan matbuot anjumanida ishtirok etdi. Yulduz futbolchi o‘z kelajagi borasida fikr bildirdi.
«Men faqat «Real» va klubda uzoq vaqt qolish haqida o‘ylayapman», — dedi Vinisius jurnalistlarga.
Vinisius Juniorning «Real» bilan amaldagi shartnomasi tugashiga atigi 15 oy qoldi — kelishuv 2027 yilning yozida yakuniga yetadi. Vaziyatni hisobga olsak, 25 yoshli Vinisius muntazam ravishda transfer mish-mishlari qahramoniga aylanib bormoqda.
«Real» ayni damda Ispaniya La Ligasi turnir jadvalida ikkinchi o‘rinda bormoqda. Alvaro Arbeloa jamoasi «Barselona»dan to‘rt ochkoga ortda qolmoqda.
