Himoyachi Antonio Ryudiger shu yozda erkin agentga aylanishi mumkin. Germaniiyalik futbolchining «Real» bilan amaldagi shartnomasi joriy mavsum yakunigacha mo‘ljallangan.

Radio Marca nashri jurnalist Matteo Morettoga tayanib xabar berishicha, «Real» Ryudiger bilan shartnomani uzaytirish masalasini muhokama qilmoqda. Klubda himoyachining tizzasi va jismoniy holati borasida shubhalar mavjud, biroq futbolchining jamoada qolish ehtimoli ketishidan ko‘ra yuqoriroq. Shunga qaramay, yakuniy qaror hozircha qabul qilinmagan.

Antonio Ryudiger 2022 yilning o‘rtalaridan buyon «Real» sharafini himoya qilib kelmoqda. O‘shandan beri germaniyalik himoyachi 174 ta o‘yinda maydonga tushib, o‘z hisobiga 8 ta gol va 4 ta golli uzatmani yozdirib qo‘ydi.