Ҳимоячи Антонио Рюдигер шу ёзда эркин агентга айланиши мумкин. Германииялик футболчининг «Реал» билан амалдаги шартномаси жорий мавсум якунигача мўлжалланган.

Radio Marca нашри журналист Маттео Мореттога таяниб хабар беришича, «Реал» Рюдигер билан шартномани узайтириш масаласини муҳокама қилмоқда. Клубда ҳимоячининг тиззаси ва жисмоний ҳолати борасида шубҳалар мавжуд, бироқ футболчининг жамоада қолиш эҳтимоли кетишидан кўра юқорироқ. Шунга қарамай, якуний қарор ҳозирча қабул қилинмаган.

Антонио Рюдигер 2022 йилнинг ўрталаридан буён «Реал» шарафини ҳимоя қилиб келмоқда. Ўшандан бери германиялик ҳимоячи 174 та ўйинда майдонга тушиб, ўз ҳисобига 8 та гол ва 4 та голли узатмани ёздириб қўйди.