«PSJ» himoyachisi Ashraf Hakimiy «Real Madrid»ga o‘tishi mumkin.

Jurnalist Ramon Alvares de Monning xabariga ko‘ra, marokashlik futbolchining agenti Alexandro Kamanyo kecha Hakimiy «Real»ga o‘tish variantini ko‘rib chiqmayotgani haqida bayonot bergan bo‘lsa-da, futbolchi hali ham Madrid klubiga qaytishni xohlamoqda. Himoyachi shu yozdayoq «qaymoqranglilar» lageriga transfer qilinishiga erishish niyatida.

Ashraf Hakimiy «Real» akademiyasi tarbiyalanuvchisi hisoblanadi. U 2021 yilda «Inter»dan «PSJ»ga 68 million yevro evaziga o‘tgan edi. Uning parijliklar bilan shartnomasi 2029 yilning 30 iyuniga qadar mo‘ljallangan. Joriy mavsumda himoyachi «PSJ» safida barcha turnirlarda 24 ta o‘yinda maydonga tushib, 3 ta gol urdi va 7 ta golli uzatmani amalga oshirdi.