«Inter Mayami» klubi ushbu mavsum yakunlanganidan keyin «Liverpul»ni tark etadigan hujumchi Muhammad Salohga taklif tayyorlamoqda. Bu haqda Independent nashri xabar bermoqda.

Hozirgi vaqtda Lionel Messi to‘p surayotgan jamoada «tanlangan o‘yinchilar» uchun bo‘sh joy mavjud emas. Ushbu qoida MLS klublariga belgilangan maoshlar chegarasidan yuqori maosh oluvchi uch nafar futbolchi bilan shartnoma imzolash imkonini beradi.

Shu sababli, misrlik futbolchining transferi amalga oshgan taqdirda, «Inter Mayami» tarkibida jiddiy o‘zgarishlar yuz berishi mumkin.