Aprel oyining oxirida Madridning «Real» klubiga tegishli afsonaviy «Santyago Bernabeu» stadioni o‘z qiyofasini o‘zgartiradi — u vaqtinchalik tennis maydoniga aylantiriladi. Stadion Madridda bo‘lib o‘tadigan «Mutua Madrid Open» turniri ishtirokchilari — dunyo tennis yulduzlari uchun mashg‘ulot bazasi bo‘lib xizmat qiladi.

Bu voqea «Real»ning Ispaniya chempionati doirasida 21 aprel (yoki 22 aprel) kuni «Alaves»ga qarshi kechadigan o‘z uyidagi o‘yinidan so‘ng amalga oshiriladi.

Shundan so‘ng «Real» ketma-ket uchta safar o‘yinini o‘tkazadi, ular orasida «Barselona» bilan to‘qnashuv ham bor. Ehtimol, aynan shu bahs chempionlik taqdirini hal qilishi mumkin. Hozirda madridliklar o‘zlarining asosiy raqibidan to‘rt ochko orqada qolishmoqda.