Dortmundning «Borussiya» klubi yarim himoyachisi Yulian Brandt faoliyatini Italiyada davom ettirishi mumkin.
La Gazzetta dello Sport nashrining xabariga ko‘ra, 29 yoshli futbolchini o‘z safiga qo‘shib olishga «Yuventus» qiziqish bildirmoqda. Turin klubi germaniyalik futbolchini tekinga qo‘lga kiritish variantini ko‘rib chiqmoqda, chunki u yozda erkin agentga aylanadi. Avvalroq «arilar» rahbariyati ma’lum qilganidek, o‘yinchining shartnomasi 2026 yilning 30 iyunida yakuniga etadi va tomonlar hamkorlikni davom ettirmaslikka qaror qilishgan.
Yulian Brandt 2019 yilda «Bayer»dan 25 million yevro evaziga «Borussiya»ga o‘tgan edi. Joriy mavsumda yarim himoyachi barcha turnirlarda 34 ta o‘yinda maydonga tushib, 10 ta gol urdi va uchta golli uzatmani amalga oshirdi.
