Fransiya terma jamoasi hujumchisi Kilian Mbappe Madridning «Real» klubida unga noto‘g‘ri tashxis qo‘yilgani haqidagi ma’lumotlarni rad etdi.

Yaqinda OAVda «qirollik klubi» shifokorlari futbolchining sog‘lom oyog‘ini tekshirishgani haqida xabarlar tarqalgan edi.

«Bu ma’lumot haqiqatga to‘g‘ri kelmaydi. Ehtimol, bunda aybning bir qismi mendadir, chunki savollarga javob berayotganda doim turlicha talqinlar uchun joy qoldirish mumkin. Lekin hozirda har ikkala tizzam yaxshi holatda ekanidan xursandman va buning uchun ma’lum ma’noda «Real»dan ham minnatdorman», — dedi Mbappe Braziliya terma jamoasiga qarshi o‘rtoqlik o‘yini oldidan o‘tkazilgan matbuot anjumanida.

Fransiya va Braziliya terma jamoalari o‘rtasidagi uchrashuv payshanba kuni bo‘lib o‘tadi.