Ukraina terma jamoasi ustozi Sergey Rebrov JCH–2026 yo‘llanmasi uchun Shvesiyaga qarshi bo‘lib o‘tadigan o‘tish o‘yini oldidan OAV vakillari bilan muloqot qildi.
«Biz ruhiy (mental) jihatdan g‘alaba qozonishimiz kerak. Maydonda kurashlar ko‘p bo‘ladi. O‘yinning har bir komponentida ustunlikka erishsakkina, bizda afzallik yuzaga keladi», — deya mutaxassisning so‘zlarini keltiradi mamlakat futbol federasiyasi matbuot xizmati.
Ukraina va Shvesiya terma jamoalari o‘rtasidagi bahs bugun, 26 mart kuni bo‘lib o‘tadi. Uchrashuv Toshkent vaqti bilan soat 00:45 da (27 martga o‘tar kechasi) boshlanadi.
