Украина терма жамоаси устози Сергей Ребров ЖЧ–2026 йўлланмаси учун Швецияга қарши бўлиб ўтадиган ўтиш ўйини олдидан ОАВ вакиллари билан мулоқот қилди.
«Биз руҳий (ментал) жиҳатдан ғалаба қозонишимиз керак. Майдонда курашлар кўп бўлади. Ўйиннинг ҳар бир компонентида устунликка эришсаккина, бизда афзаллик юзага келади», — дея мутахассиснинг сўзларини келтиради мамлакат футбол федерацияси матбуот хизмати.
Украина ва Швеция терма жамоалари ўртасидаги баҳс бугун, 26 март куни бўлиб ўтади. Учрашув Тошкент вақти билан соат 00:45 да (27 мартга ўтар кечаси) бошланади.
