AQSHning ikkita futbol klubi misrlik yulduz hujumchi Muhammad Saloh bilan shartnoma imzolashdan bosh tortdi. The Athletic nashrining xabar berishicha, gap «San-Diyego» va «Chikago Fayr» klublari haqida ketmoqda.

MLS rahbariyati Salohni ligada ko‘rishni istagan edi, biroq maoshi juda yuqori bo‘lgan misrlik futbolchini o‘z safiga qo‘shib olishga klublar unchalik ishtiyoq bildirishmayapti.

Avvalroq matbuotda hujumchi joriy mavsum yakunlanganidan keyin «Liverpul»ni tark etishi haqida ma’lumotlar paydo bo‘lgan edi. Muhammad 2017 yildan beri mersisaydliklar sharafini himoya qilib kelmoqda.

Joriy mavsumda forvard 22 ta uchrashuvda maydonga tushdi. 33 yoshli Saloh o‘z hisobiga 5 ta gol va 6 ta golli uzatmani yozdirib qo‘yishga muvaffaq bo‘ldi.