АҚШнинг иккита футбол клуби мисрлик юлдуз ҳужумчи Муҳаммад Салоҳ билан шартнома имзолашдан бош тортди. The Athletic нашрининг хабар беришича, гап «Сан-Диего» ва «Чикаго Файр» клублари ҳақида кетмоқда.

МЛС раҳбарияти Салоҳни лигада кўришни истаган эди, бироқ маоши жуда юқори бўлган мисрлик футболчини ўз сафига қўшиб олишга клублар унчалик иштиёқ билдиришмаяпти.

Аввалроқ матбуотда ҳужумчи жорий мавсум якунланганидан кейин «Ливерпуль»ни тарк этиши ҳақида маълумотлар пайдо бўлган эди. Муҳаммад 2017 йилдан бери мерсисайдликлар шарафини ҳимоя қилиб келмоқда.

Жорий мавсумда форвард 22 та учрашувда майдонга тушди. 33 ёшли Салоҳ ўз ҳисобига 5 та гол ва 6 та голли узатмани ёздириб қўйишга муваффақ бўлди.