«Manchester Yunayted» himoyachisi Xarri Maguayr «qizil iblislar» bilan yangi shartnoma imzolanishi mumkinligi haqida to‘xtalib o‘tdi.

«Muzokaralar bo‘lib o‘tdi. O‘ylashimcha, biz ham klub, ham men uchun eng maqbul variant bo‘lgan kelishuvga erishamiz. Klub mening jamoani oldinga boshlashda davom etishimni istamoqda va ular mening oldinda muhim rolim bor deb hisoblashadi», — deya Maguayrning so‘zlarini keltiradi insayder Fabrisio Romano.

Xarri Maguayr 2019 yilda «Lester»dan 87 million yevro evaziga «Manchester Yunayted»ga o‘tgan edi. Joriy mavsumda himoyachi «qizil iblislar» safida barcha turnirlarda 20 ta o‘yinda maydonga tushib, 2 ta gol urdi va 1 ta golli uzatmani amalga oshirdi. Himoyachining amaldagi shartnomasi 2026 yilning 30 iyuniga qadar mo‘ljallangan.