«Манчестер Юнайтед» ҳимоячиси Харри Магуайр «қизил иблислар» билан янги шартнома имзоланиши мумкинлиги ҳақида тўхталиб ўтди.
«Музокаралар бўлиб ўтди. Ўйлашимча, биз ҳам клуб, ҳам мен учун энг мақбул вариант бўлган келишувга эришамиз. Клуб менинг жамоани олдинга бошлашда давом этишимни истамоқда ва улар менинг олдинда муҳим ролим бор деб ҳисоблашади», — дея Магуайрнинг сўзларини келтиради инсайдер Фабрицио Романо.
Харри Магуайр 2019 йилда «Лестер»дан 87 миллион евро эвазига «Манчестер Юнайтед»га ўтган эди. Жорий мавсумда ҳимоячи «қизил иблислар» сафида барча турнирларда 20 та ўйинда майдонга тушиб, 2 та гол урди ва 1 та голли узатмани амалга оширди. Ҳимоячининг амалдаги шартномаси 2026 йилнинг 30 июнига қадар мўлжалланган.
