«Bavariya» klubi o‘zining rasmiy saytida hujumkor yarim himoyachi Jamal Musiala haqida ma’lumot e’lon qildi. Myunxenliklarning xabar berishicha, payshanba kuni ertalab Musiala jarohatidan so‘ng ilk bor maydonda mashg‘ulot o‘tkazishga muvaffaq bo‘lgan. 23 yoshli futbolchi hozircha individual tarzda shug‘ullanmoqda.
Bu Musialaning o‘tgan yozda orttirib olingan to‘piq jarohatidan keyingi ilk maydondagi mashg‘ulotidir. Yaqinda unda aynan shu jarohat tufayli yana og‘riqlar paydo bo‘lgan edi.
2025/2026 yilgi mavsumda Jamal Musiala jami 11 ta o‘yinda maydonga tushib, o‘z hisobiga 3 ta gol va 2 ta golli uzatmani yozdirib qo‘ygan.
«Bavariya» Bundesligada ishonch bilan peshqadamlik qilmoqda. Ikkinchi o‘rindagi Dortmundning «Borussiya» jamoasi myunxenliklardan to‘qqiz ochko ortda qolmoqda.
