«Бавария» клуби ўзининг расмий сайтида ҳужумкор ярим ҳимоячи Жамал Мусиала ҳақида маълумот эълон қилди. Мюнхенликларнинг хабар беришича, пайшанба куни эрталаб Мусиала жароҳатидан сўнг илк бор майдонда машғулот ўтказишга муваффақ бўлган. 23 ёшли футболчи ҳозирча индивидуал тарзда шуғулланмоқда.
Бу Мусиаланинг ўтган ёзда орттириб олинган тўпиқ жароҳатидан кейинги илк майдондаги машғулотидир. Яқинда унда айнан шу жароҳат туфайли яна оғриқлар пайдо бўлган эди.
2025/2026 йилги мавсумда Жамал Мусиала жами 11 та ўйинда майдонга тушиб, ўз ҳисобига 3 та гол ва 2 та голли узатмани ёздириб қўйган.
«Бавария» Бундеслигада ишонч билан пешқадамлик қилмоқда. Иккинчи ўриндаги Дортмунднинг «Боруссия» жамоаси мюнхенликлардан тўққиз очко ортда қолмоқда.
