«Manchester Yunayted» 2022 yildan beri «Everton» sharafini himoya qilib kelayotgan o‘z akademiyasi tarbiyalanuvchisi Jeyms Garnerni ortga qaytarmoqchi. Bu haqda jurnalist Ekrem Konur Sports Boom nashri uchun xabar berdi.

Manbaning ta’kidlashicha, mankunianliklar futbolchini «irislar»ga sotayotgan vaqtda shartnomaga uni qayta sotib olish huquqini beruvchi bandni kiritishmagan. 25 yoshli o‘yinchi bilan 2026 yilning yanvarida shartnoma uzaytirilgach, «Everton» Garnerni 50-55 million funt sterlingdan (58-63 million yevro) arzonga sotmoqchi emas. Shuningdek, futbolchi Liverpul klubining eng ko‘p maosh oluvchi o‘yinchilaridan biri ekanligi aytilmoqda.

Joriy mavsumda Garner barcha turnirlarda 34 ta o‘yinda maydonga tushib, 3 ta gol va 6 ta golli uzatmani amalga oshirdi. Futbolchining klub bilan amaldagi kelishuvi 2030 yil yoziga qadar mo‘ljallangan. Transfermarkt portali ma’lumotlariga ko‘ra, uning bozor qiymati 35 million yevroni tashkil etadi.