«Manchester Siti»ning portugaliyalik yarim himoyachisi Bernardu Silva jamoaga yaqinda kelib qo‘shilgan yangi futbolchilar haqida o‘z fikrlarini bildirdi.
«Men yangi kelganlarda muvaffaqiyatga bo‘lgan kuchli ishtiyoqni ko‘ryapman. Endi ular ushbu klubning standartlarini bilishadi. So‘nggi sakkiz-to‘qqiz yil davomida biz tomonimizdan o‘rnatilgan yuqori talablarni his qilishmoqda. Bu ularning g‘alabaga bo‘lgan intilishini yanada kuchaytiradi va: «Qarang, biz ham bunga qodirmiz», deyishga majbur qiladi», — deya Silvaning so‘zlarini keltiradi City Report.
30 ta o‘yindan so‘ng «Manchester Siti» 61 ochko bilan Angliya Premyer-ligasi turnir jadvalida ikkinchi o‘rinni egallab turibdi. Peshqadam «Arsenal» bilan farq to‘qqiz ochkoni tashkil etadi, biroq «shaharliklar» ixtiyorida bitta zaxira o‘yini mavjud.
