«Манчестер Сити»нинг португалиялик ярим ҳимоячиси Бернарду Силва жамоага яқинда келиб қўшилган янги футболчилар ҳақида ўз фикрларини билдирди.
«Мен янги келганларда муваффақиятга бўлган кучли иштиёқни кўряпман. Энди улар ушбу клубнинг стандартларини билишади. Сўнгги саккиз-тўққиз йил давомида биз томонимиздан ўрнатилган юқори талабларни ҳис қилишмоқда. Бу уларнинг ғалабага бўлган интилишини янада кучайтиради ва: «Қаранг, биз ҳам бунга қодирмиз», дейишга мажбур қилади», — дея Силванинг сўзларини келтиради City Report.
30 та ўйиндан сўнг «Манчестер Сити» 61 очко билан Англия Премьер-лигаси турнир жадвалида иккинчи ўринни эгаллаб турибди. Пешқадам «Арсенал» билан фарқ тўққиз очкони ташкил этади, бироқ «шаҳарликлар» ихтиёрида битта захира ўйини мавжуд.
